TV
ఐపీఎల్‌-2024లో టాప్‌ రన్‌స్కోరర్‌గా నిలిచిన టీమిండియా స్టార్‌ బ్యాటర్‌ విరాట్‌ కోహ్లి.. టీ20 వరల్డ్‌కప్‌లో మాత్రం తన మార్క్‌ను చూపించలేకపోతున్నాడు. ఈ మెగా టోర్నీలో వరుసగా మూడో మ్యాచ్‌లోనూ విరాట్‌ నిరాశపరిచాడు.
ఈ మెగా ఈవెంట్‌లో భాగంగా న్యూయర్క్‌ వేదికగా అమెరికాతో మ్యాచ్‌లో విరాట్‌ కోహ్లి దారుణ ప్రదర్శన కనబరిచాడు. ఈ మ్యాచ్‌లో విరాట్‌ గోల్డెన్‌ డక్‌గా వెనుదిరిగాడు. భారత ఇన్నింగ్స్‌ తొలి ఓవర్‌ వేసిన నేత్రవల్కర్ బౌలింగ్‌లో రెండో బంతికి కోహ్లి.. వికెట్‌ కీపర్‌ గౌస్‌కు క్యాచ్‌ ఇచ్చి ఔటయ్యాడు.
దీంతో స్టేడియం మొత్తం ఒక్కసారిగా సైలెంట్‌ అయిపోయింది. ఈ క్రమంలో నాన్‌స్ట్రైక్‌లో ఉన్న కెప్టెన్‌ రోహిత్‌ శర్మ షాకింగ్‌ రియాక్షన్ ఇచ్చాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.
ఇక ఈ ఏడాది సీజన్‌లో ఇప్పటివరకు మూడు మ్యాచ్‌లు ఆడిన కోహ్లి.. కేవలం 5 పరుగులు మాత్రమే చేశాడు. కనీసం ఒక్క మ్యాచ్‌లో కూడా సింగిల్ డిజిట్‌ మార్క్‌ను దాటలేకపోయాడు. దీంతో ఏమైంది విరాట్‌ అంటూ నెటిజన్లు పోస్ట్‌లు చేస్తున్నారు.
