డబ్ల్యూటీఏ ఫైనల్స్‌ టోరీ్నకి యాష్లే బార్టీ దూరం

మహిళల టెన్నిస్‌ సంఘం (డబ్ల్యూటీఏ) సీజన్‌ ముగింపు టోర్నమెంట్‌ డబ్ల్యూటీఏ ఫైనల్స్‌ నుంచి ప్రపంచ నంబర్‌వన్, డిఫెండింగ్‌ చాంపియన్‌ యాష్లే బార్టీ వైదొలిగింది. వచ్చే నెల 10 నుంచి 17 వరకు మెక్సికోలని గ్వాడాలహారా నగరంలో ఈ మెగా టోర్నీ జరగనుంది. ప్రపంచ సింగిల్స్‌ ర్యాంకింగ్స్‌లోని టాప్‌–8 క్రీడాకారిణులు ఈ టోర్నీలో పాల్గొనేందుకు అర్హులు. ‘వచ్చే ఏడాదిలో కొత్త ఉత్సాహంతో బరిలో దిగేందుకు సీజన్‌ ముగింపు టోర్నీ నుంచి వైదొలగాలని నిర్ణయం తీసుకున్నాను’ అని 25 ఏళ్ల బార్టీ తెలిపింది. ఈ సీజన్‌లో బార్టీ వింబుల్డన్‌ గ్రాండ్‌స్లామ్‌ టోర్నీతో కలిపి మొత్తం ఐదు టైటిల్స్‌ సాధించి ఈ ఏడాదిని నంబర్‌వన్‌ ర్యాంక్‌తో ముగించనుంది.