వ్యాపారుల రాస్తారోకో

కొరుక్కుపేట: కార్పొరేషన్‌, పవర్‌ బోర్డు అధికారుల తీరును ఖండిస్తూ వ్యాపారులు రోడ్డును దిగ్బంధించారు. వివరాలు.. చైన్నె కార్పొరేషన్‌ కు చెందిన 16 దుకాణాలతో కూడిన వాణిజ్య సముదాయం వన్నార్‌ పేట్టై పార్థసారథి నగర్‌ లో 20 ఏళ్లకు పైగా కొనసాగుతోంది. ఈ మార్కెట్‌లో మాంసం, కూరగాయలు, చేపల దుకాణాలు , అనేక ఇతర వస్తువుల దుకాణాలు ఉన్నాయి. దుకాణదారులు నిత్యం కాంట్రాక్టర్‌కు అద్దె చెల్లిస్తున్నారని చెబుతున్నారు. అయితే కార్పొరేషన్‌కు బకాయిలు చెల్లించడం, విద్యుత్‌ బిల్లు చెల్లించకపోవడం పెండింగ్‌లో ఉన్నాయి. అధికారులు తగిన చర్యలు చేపట్టడంతో నెలరోజులుగా బకాయిలు వసూలయ్యాయి. దుకాణదారులు నెలవారీ అద్దె మొత్తాన్ని సకాలంలో చెల్లించి, కార్పొరేషన్‌ కార్యాలయంలో రశీదు పొందారు. ఈ స్థితిలో విద్యుత్‌ బోర్డు అధికారులు ఏడాది క్రితం మార్కెట్‌ లో కరెంటును నిలిపివేశారు. అలాగే టాయిలెట్‌ సౌకర్యం, తాగునీటి సౌకర్యం. కరెంటు లేక ఇబ్బందులు పడుతున్నామని వ్యాపారులు చెబుతున్నారు. విద్యుత్‌ బోర్డు అధికారులు మాత్రం ఎలాంటి చర్యలు తీసుకోలేదు. మంగళవారం వన్నారపేటలోని కన్నన్‌ రౌండ్‌అబౌట్‌లో వ్యాపారులు పార్థసారథి నగర్‌ మార్కెట్‌ హెడ్‌ సిరాజుద్దీన్‌, సెక్రటరీ నవర సుద్దీన్‌ ఆధ్వర్యంలో నిరసన ప్రదర్శనలో పాల్గొని అధికారుల తీరును ఖండిస్తూ నినాదాలు చేశారు. దీనిపై సమాచారం అందుకున్న వన్నారపేట పోలీసులు, తండయర్‌ పేట ప్రాంతీయ అధికారి, విద్యుత్‌ బోర్డు అధికారులు ఘటనా స్థలానికి చేరుకుని ఆందోళన చేస్తున్న వారితో చర్చలు జరిపారు. విద్యుత్‌ సౌకర్యం, తాగునీటి సౌకర్యం కల్పిస్తామని అధికారులు హామీ ఇచ్చారు. దీంతో వ్యాపారులు నిరసనను విరమించారు.