ప్రాణం తీసిన పాత కక్షలు

ప్రాణం తీసిన పాత కక్షలు

●కాంట్రాక్టర్‌ హత్య

సేలం: ముదుకుళత్తూర్‌ తాలూకా విక్రపాండియపురం వలసై గ్రామానికి చెందిన ఇరులాండి. ఇతని కుమారుడు ఉత్తిరకుమార్‌ (35). ఇతను కాంట్రాక్టర్‌. ఇంకా పెళ్లి కాలేదు. ఇతనిపై పలు కేసులు ఉన్నాయి. కొన్ని రోజుల క్రితం చైన్నెలో జరిగిన హత్య కేసులో జైలుకు వెళ్లిన ఇతను ఇటీవలే బెయిల్‌పై బయటకు వచ్చాడు. ఈ స్థితిలో బుధవారం రాత్రి పరమకుడి అగ్నిమాపక కేంద్రం సమీపంలో ఉన్న అతని స్నేహితుడి ఇంటికి వెళ్లి తిరిగి వస్తుండగా ముగ్గురు యువకులు బైకుల్లో హెల్మెట్‌లు ధరించి కత్తులతో ఉత్తిర కుమార్‌పై దాడి చేశారు. దాడిలో ఉత్తిర కుమార్‌ మృతిచెందాడు. పరమకుడి పోలీసులు కేసు విచారణ జరుపుతున్నారు.