హైదరాబాద్‌ టు బాగ్దాద్‌

బాగ్దాద్‌ విమాన సర్వీసును ప్రారంభిస్తున్న జీఎంఆర్, ఫ్లై బాగ్దాద్‌ ఎయిర్‌లైన్స్‌ ప్రతినిధులు  

శంషాబాద్‌: హైదరాబాద్‌ నుంచి నేరుగా బాగ్దాద్‌ వెళ్లేందుకు విమాన సర్వీసు ప్రారంభమైంది. ఆదివారం మధ్యాహ్నం 3.17 గంటలకు ‘ఫ్లై బాగ్దాద్‌ ఎయిర్‌లైన్స్‌’కు చెందిన ఐఎఫ్‌–462 టేకాఫ్‌ తీసుకుని తొలి విమానం బయలుదేరింది. హైదరాబాద్‌–బాగ్దాద్‌ల మధ్య వారానికి రెండు రోజులు ఈ సర్వీసులు కొనసాగుతాయని  ఎయి­ర్‌పోర్టు వర్గాలు వెల్లడించాయి.

ఇక బాగ్దాద్‌ నుంచి వచ్చేవిమానం ప్రతి ఆదివారం ఉదయం 11.55 గంటలకు శంషాబాద్‌ ఎయిర్‌పోర్టుకు చేరుకుంటుంది. అదేరోజు మధ్యాహ్నం 12.55 గంటలకు  తిరిగి ఇక్కడి నుంచి బయలుదేరుతుంది. మంగళవారం బాగ్దాద్‌ నుంచి వచ్చే విమానం ఉ­దయం 9.55 గంటలకు శంషాబాద్‌ ఎయిర్‌­పో­ర్టుకు చేరుకుంటుంది. అదేరోజు ఉదయం 10.55 కు ఇక్కడి నుంచి బాగ్దాద్‌ బయలుదేరుతుంది. 

పెరుగుతున్న మెడికల్‌ టూరిజం
ఏటా ఇరాక్‌ నుంచి 10 శాతానికి పైగా మెడికల్‌ టూరిస్టులు హైదరాబాద్‌కు రాకపోకలు సాగి­స్తున్నారని పర్యాటక మంత్రిత్వశాఖ చెబుతోంది. అంతేగాక ఇరాక్‌లోని బాగ్దాద్, కర్బలా ప్రాంతాలకు కూడా మనదేశం నుంచి పర్యాటకుల రాకపోకలు పెరిగాయి. ఈ నేపథ్యంలో డైరెక్ట్‌ విమాన సర్వీసులు ప్రారంభించారు.