రేవంత్‌.. మీ బర్త్‌ డే కేక్‌ వారితో కట్‌ చేయిస్తా: కేటీఆర్‌

సాక్షి,హైదరాబాద్‌ : సీఎం రేవంత్‌రెడ్డికి బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ పుట్టిన రోజు శుభాకాంక్షలు తెలిపారు. ఈ మేరకు కేటీఆర్‌ ఎక్స్‌ వేదికగా ట్వీట్‌ చేశారు.

ఆ ట్వీట్‌లో ‘నేను హైదరాబాద్‌లో ఉన్నా. మీ ఏసీబీ అధికారులు ఎప్పుడైనా రావొచ్చు. వారికి నా స్వాగతం. మీ బర్త్‌డే కేక్‌ వారితో కట్‌ చేయిస్తా. చాయ్‌, బిస్కెట్‌లు కూడా ఇస్తా’ అని పేర్కొన్నారు. 

Happy Birthday @revanth_anumula 

I am very much in Hyderabad. Your agencies are welcome anytime 

Chai, Osmania biscuits and if they want to cut your birthday cake, it’s on me 👍 https://t.co/ccPOezg1WC

— KTR (@KTRBRS) November 8, 2024

 
కాగా, అరెస్ట్‌ భయంతో కేటీఆర్‌ మలేషియా వెళ్తున్నారంటూ పలు మీడియా కథనాలపై బీఆర్‌ఎస్‌ నేత మన్నె క్రిషాంక్‌ ట్వీట్‌ చేశారు. కేటీఆర్‌ ప్రతిష్టను మసకబార్చేందుకు ప్రయత్నిస్తున్నారని తెలుసు.  జర్నలిజాన్ని జోక్‌గా మార్చొద్దు. కేటీఆర్‌ హైదరాబాద్‌లోని తన నివాసంలో చాయ్‌ తాగుతూ ఈ వార్తను చదువుతూ ఉంటారని చెప్పారు. ఆ ట్వీట్‌కు ట్యాగ్‌ చేస్తూ కేటీఆర్‌ పై విధంగా స్పందించారు.