తీహార్‌ జైలులో కవితతో కేటీఆర్ ములాఖత్

సాక్షి, ఢిల్లీ: లిక్కర్‌ పాలసీ కేసులో ఆరోపణలు ఎదుర్కొంటూ తీహార్‌ జైలులో ఉన్న బీఆర్‌ఎస్‌ ఎమ్మెల్సీ కవితతో ఆమె సోదరుడు, ఆ పార్టీ కార్యనిర్వాహక అధ్యక్షుడు కేటీఆర్‌ శుక్రవారం ములాఖత్‌ అయ్యారు.  కవితను కలిసిన కేటీఆర్‌ ఆమె ఆరోగ్య పరిస్థితిని అడిగి తెలుసుకున్నారు. 

ఢిల్లీ మద్యం కుంభ‌కోణం కేసులో కవితకు జ్యుడీషియల్‌ రిమాండ్‌ను రౌస్ అవెన్యూ కోర్టు మరోసారి రెండు వారాల పాటు పొడిగించిన విషయం తెలిసిందే. సీబీఐ నమోదు చేసిన కేసులో ఈ నెల 21 వరకు ఆమెకు రిమాండ్‌ విధిస్తూ ఉత్తర్వులు ఇచ్చింది. తదుపరి విచారణ ఈ నెల 21న జరగనుంది. ఆమెను కలిసిన తర్వాత కేటీఆర్ హైదరాబాద్‌కు తిరుగు పయనం అయ్యారు.