TV
ఇది ముషీరాబాద్‌లోని చేపల మార్కెట్‌. ఆదివారం ఇలా కొనుగోలుదారులతో కిక్కిరిసిపోయింది. భౌతిక దూరం మాటే మరిచారనేందుకు ఈ చిత్రమే నిదర్శనం. మరోవైపు ఎండలు మండిపోతుండటంతో మధ్యాహ్నం వేళ రోడ్లన్నీ ఖాళీగా కన్పిస్తున్నాయి. ఆదివారం బయోడైవర్సిటీ చౌరస్తా ఇలా బోసిపోయి కనిపించింది.
రోజు రోజుకు కరోనా కేసులు పెరిగిపోతున్నాయి. అలా అని ఊరికే ఉంటే జీవనం గడవదు. అందుకే కూకట్‌పల్లిలోని ఓ బార్బర్‌షాప్‌ నిర్వాహకుడు కోవిడ్‌ జాగ్రత్తలు తీసుకుంటూ దుకాణం నిర్వహిస్తూ ఇలా కనిపించాడు.
కరోనా పరీక్షల కోసం వచ్చిన జనం అనేక ఇబ్బందులు పడుతున్నారు. ఖమ్మం నగరంలోని పాత బస్టాండ్‌లో ఉన్న కరోనా నిర్ధారణ పరీక్షాకేంద్రానికి ఆదివారం ఉదయం 7 గంటలకే జనం చేరుకున్నారు. క్యూలో నిలబడే ఓపిక లేక ఇలా చెప్పులను పెట్టి పక్కకు వెళ్లి సేదతీరారు. – సాక్షి ఫోటో జర్నలిస్ట్, ఖమ్మం
ఎప్పుడూ ప్రజలతో మమేకమై వారి సమస్యలు తెలుసుకుంటుండే స్టేషన్ ఘన్‌ పూర్‌ ఎమ్మెల్యే డాక్టర్‌ తాటికొండ రాజయ్య ఆదివారం ఆటవిడుపుగా కాసేపు జాలరిగా మారారు. ఘన్‌పూర్‌ శివారున ఉన్న తన చేపల కొలనులోకి దిగి ఇలా వలవేసి చేపల్ని పట్టారు.
ముంబైలోని గోరేగావ్‌లోని నెస్కో కోవిడ్‌ చికిత్సా కేంద్రంలో తమ డిమాండ్ల కోసం ఆదివారం శాంతియుతంగా నిరసన తెలుపుతున్న సిబ్బంది
కరోనా సాయంలో భాగంగా యునైటెడ్‌ కింగ్‌డమ్‌ నుంచి ఢిల్లీకి ఆదివారం ప్రత్యేక విమానంలో పంపించిన అత్యవసర ప్రాణాధార ఔషధాలు, వైద్య పరికరాలు
ముంబైలోని దాదర్‌లో డ్రైవ్‌–ఇన్‌ వ్యాక్సినేషన్‌లో భాగంగా ఆదివారం కారులోనే కరోనా టీకా తీసుకుంటున్న వృద్ధుడు
పవిత్ర రంజాన్‌ మాసంలో 27వ రాత్రి లైలతుల్‌ అల్‌–ఖద్ర్‌ సందర్భంగా సౌదీ అరేబియాలోని మక్కా నగరంలో గ్రాండ్‌ మసీదులో భౌతిక దూరం పాటిస్తూ ప్రత్యేక ప్రార్థనల్లో పాల్గొన్న ముస్లింలు
Comments
Please login to add a commentAdd a comment