హైదరాబాద్‌ మీదుగా కశ్మీర్‌ లోయకు ప్రత్యేక రైలు

సాక్షి, హైదరాబాద్‌: హైదరాబాద్‌ మీదుగా కశ్మీర్‌ లోయకు మే 11న ప్రత్యేక రైల్వే సేవలు ప్రారంభిస్తున్నట్టు సౌత్‌ స్టార్‌ రైల్‌ ప్రతినిధులు తెలిపారు. భారతీయ రైల్వే ప్రారంభించిన భారత్‌ గౌరవ్‌ పథకంలో భాగంగా ‘సౌత్‌ స్టార్‌ రైల్‌’ నూతన రైల్వే సేవలు అందిస్తోంది. ఈ సందర్భంగా ‘సౌత్‌ స్టార్‌ రైల్‌’ ప్రాజెక్ట్‌ డైరెక్టర్‌ విఘ్నేశ్‌ ఆదివారం సోమాజిగూడలోని ప్రెస్‌క్లబ్‌లో విలేకరులతో మాట్లాడుతూ.. వేసవి విడిది నేపథ్యంలో థీమ్‌ టూరిస్ట్‌ ప్యాకేజీలో భాగంగా కశ్మీర్‌కు ప్రత్యేక రైల్‌ను ప్రారంభిస్తున్నట్టు తెలిపారు.

ఈ రైలు కోయంబత్తూర్‌ నుంచి ప్రారంభమై హైదరాబాద్, వరంగల్, ధర్మపురి, విజ­యవాడ, ఈరోడ్, సేలం, ఎలహంక, పెరంబుదూర్‌ మీదుగా ప్రయాణిస్తుందని చెప్పారు. భారత పర్యాటక మంత్రిత్వ శాఖ ఆధ్వర్యంలో ఈ టూర్‌ ఆపరేటర్లను పర్యవేక్షిస్తుందని పేర్కొన్నారు. ప్యాకే­జీ వ్యవధి 12 రోజులని తెలిపారు. ఇందులో ప్రత్యే­క సదుపాయాలతో పాటు ప్రయాణ బీమా, సైట్‌ సీయింగ్, భోజన వసతులు అందిస్తున్నామని రీజిన­ల్‌ మేనేజర్‌ సంతోష్‌ వివరించారు. బుకింగ్‌ తదితర సమాచారం కోసం 7876101010 నంబర్‌ లేదా  ఠీఠీఠీ.ట్చజీ ్టౌuటజీటఝ.ఛిౌఝలో సంప్రదించవచ్చని సూచించారు.