పోలీస్‌ స్టేషన్‌కు బారికేడ్ల వితరణ

పోలీస్‌ స్టేషన్‌కు బారికేడ్ల వితరణ

పులివెందుల రూరల్‌ : పట్టణంలోని ట్రాఫిక్‌ పోలీస్‌ స్టేషన్‌కు గురువారం భారతి సిమెంటు కంపెనీకి చెందిన 50 బారికేడ్లను వితరణగా అందించారు. ఈ సందర్భంగా భారతి సిమెంటు కంపెనీ మార్కెటింగ్‌ శాఖ వైస్‌ ప్రెసిడెంట్‌ మల్లారెడ్డి, మార్కెటింగ్‌ అధికారి కొండారెడ్డి, మేనేజర్‌ ప్రతాప్‌రెడ్డిలు ట్రాఫిక్‌ సీఐ హాజివలిని కలిసి బారికేడ్లను ప్రారంభించారు. అలాగే పాత బస్టాండులో వెలసిన శ్రీపద్మావతి సమేత కళ్యాణ వెంకటరమణస్వామి ఆలయానికి కూడా 5 బారికేడ్లను భారతి సిమెంటు ద్వారా అందజేశారు. ఈ సందర్భంగా వారు మాట్లాడుతూ సామాజిక సేవలో భాగంగా భారతి సిమెంటు తరపున ప్రతి ఏడాది ఏదో ఒక రూపంలో పలు సేవా కార్యక్రమాలు చేస్తున్నామన్నారు. కార్యక్రమంలో ట్రాఫిక్‌ పోలీసులు, భారతి సిమెంటు కంపెనీ సిబ్బంది, తదితరులు పాల్గొన్నారు.