అమెరికా ఫెడరల్ రిజర్వ్ గానీ అక్కడి వడ్డీ రేట్లను పెంచడం ప్రారంభిస్తే ఈ ఆర్థిక సంవత్సరంలో (2015-16) బంగారం రేట్లు భారీగా క్షీణించవచ్చని ఇండియా రేటింగ్స్ అండ్ రీసెర్చ్ (ఇండ్-రా) అంచనా వేసింది. దీని వల్ల అంతర్జాతీయంగా ఔన్సు (31.1 గ్రాములు) పసిడి ధర 900-1,050 డాలర్లకు పడిపోవచ్చని పేర్కొంది. దీంతో దేశీయంగా పది గ్రాముల బంగారం రేటు రూ. 20,500- రూ. 24,000 స్థాయికి దిగి రావొచ్చని ఇండ్-రా తెలిపింది. ప్రస్తుతం పసిడి ధర రూ. 27,000 స్థాయిలో ఉంది.