చైనాలో షాకింగ్ ఘటన ఒకటి జరిగింది. విడాకులు ఇచ్చిన కొద్ది సేపటికే తన మాజీ భార్యపై ఓ వ్యక్తి పెట్రోలు పోసి నిప్పంటించేశాడు. ఈశాన్య చైనాలోని పన్షి నగరంలో ఈ ఘటన జరిగింది. విడాకుల కార్యాలయంలోని సిబ్బంది వెంటనే ఆమెను కాపాడేందుకు ప్రయత్నించారు. అప్పటికే ఆమె జుట్టు కాలుతూ ఉంది. ఇంత జరుగుతున్నా.. ఆ మాజీ భర్త మాత్రం ఏమీ ఎరగనట్లు నెమ్మదిగా అక్కడి నుంచి నడుచుకుంటూ వెళ్లిపోయాడు. ఇదంతా అక్కడి సీసీటీవీ కెమెరాలలో రికార్డయింది. 36 సెకండ్ల నిడివి ఉన్న ఈ వీడియోను మియావోపాయ్ అనే సోషల్ మీడియాలో పోస్ట్ చేశారు.