తెలంగాణ రాష్ట్రంలో ప్రభుత్వాన్ని ఏర్పాటు చేయాల్సిందిగా టీఆర్ఎస్ అధినేత కేసీఆర్‌కు గవర్నర్‌ ఈఎస్ఎల్ నరసింహన్ ఆహ్వానం పంపారు. ఈ మేరకు కేసీఆర్‌కు రాజ్‌భవన్‌ వర్గాలు అధికారిక సమాచారం పంపారు. రాజ్‌భవన్‌లో నిర్వహించే ప్రమాణస్వీకార కార్యక్రమంలో జూన్‌ 2 తేది ఉదయం 8:15కు సీఎంగా కేసీఆర్ ప్రమాణస్వీకారం చేయనున్నారు. ఆతర్వాత జూన్‌ 2 ఉదయం 10:45కు సికింద్రాబాద్ పెరేడ్ గ్రౌండ్‌లో నిర్వహించే తెలంగాణ రాష్ట్ర ఆవిర్భావ వేడుకల్లో కేసీఆర్ పాల్గొంటారు. ప్రభుత్వ ఆధ్వర్యంలో రాష్ట్ర ఆవిర్భావ వేడుకలు జరుగనున్నాయి. ఈ వేడుకల్లో కేసీఆర్ తోపాటు గవర్నర్ నరసింహన్ కూడా పాలుపంచుకుంటారు.