రిలయన్స్‌ ఇండస్ట్రీస్‌ అధినేత ముఖేష్‌ అంబానీ ఇంట్లో పెళ్లి భాజాలు మోగబోతున్నాయి. తన పెద్ద కొడుకు ఆకాశ్‌ అంబానీ, డైమాండ్‌ వ్యాపారి రస్సెల్‌ మెహతా కూతురు శ్లోకా మెహతాను మనువాడబోతున్నారు. వీరి నిశ్చితార్థం అధికారికంగా ఈ నెల 30న ముంబైలో 39 అట్లామౌంట్‌ రోడ్‌లో జరుగబోతోంది. మరోవైపు వీరి పెళ్లి కూడా డిసెంబర్‌లో జరుగబోతున్నట్టు తెలుస్తోంది. వీరి వివాహానికి సంబంధించిన కార్డు తాజాగా ఆన్‌లైన్‌లో చక్కర్లు కొడుతోంది.