పెట్టుబడుల కోసం పాక్‌ ‘బెల్లీ డ్యాన్స్‌’

రోజు రోజుకు అప్పుల్లో కూరుకుపోతున్న పాకిస్తాన్‌ తమ దేశంలో పెట్టుబడుల కోసం పెట్టుబడిదారులను ఆకర్షించడానికి చేసిన ఓ ప్రయత్నంతో తాజాగా తీవ్ర విమర్శలకు గురైంది. పాకిస్తాన్‌కు చెందిన సర్హాద్‌ చాంబర్‌ ఆఫ్‌ కామర్స్‌ అండ్‌ ఇండస్ట్రీ(ఎస్‌సీసీఐ) ఓ పెట్టుబడి సదస్సును అజర్‌బైజాన్‌ దేశ రాజధాని బకూలో నిర్వహించింది. ఖైబర్‌ పక్తుంఖ్వా పెట్టుబడి అవకాశాల సదస్సు పేరుతో నిర్వహించిన ఈ కార్యక్రమం సెప్టెంబర్‌ 4 నుంచి 8 మధ్య జరిగింది. అయితే అక్కడికి వచ్చిన పెట్టుబడిదారులను ఆకర్షించడానికి ఈ కార్యక్రమంలో బెల్లీ డాన్స్‌ను ఏర్పాటు చేసింది. ఏదైనా దాగదుగా అన్నట్లు దీనిని పాక్‌లోని ఓ జర్నలిస్టు వీడియోతో సహా ట్విట్టర్‌ వేదికగా పంచుకున్నారు.