ఆ సిక్స్‌కు ఫ్యాన్స్‌ థ్రిల్‌.!

దక్షిణాఫ్రికాతో జరిగిన నాలుగో వన్డేలో టీమిండియా ఓడినా ఓ విషయం మాత్రం భారత అభిమానులను థ్రిల్‌ చేస్తోంది. అద్భుత ఫామ్‌తో చెలరేగుతున్న టీమిండియా కెప్టెన్‌ విరాట్‌ కోహ్లి ఈ మ్యాచ్‌లో మరో హాఫ్‌ సెంచరీ చేసిన విషయం తెలిసిందే. అయితే సాధారణంగా కోహ్లి బంతిని గాల్లోకి లేపాడానికి ఇష్టపడడు. అవకాశం చిక్కినప్పుడే సిక్స్‌ కొడుతాడు. అలాగే నిన్నటి మ్యాచ్‌లో కోహ్లి ఓ సిక్స్‌ కొట్టాడు. లుంగి ఎంగిడి వేసిన 17 ఓవర్‌ రెండో బంతిని కోహ్లి ఒక అడుగు ముందుకేసి స్టేట్‌గా సిక్సు కొట్టాడు. ఈ స్ట్రేట్‌ డ్రైవ్‌ షాట్‌ అభిమానులను విపరీతంగా ఆకట్టుకుంటోంది. ‘షాట్‌ ఆఫ్‌ ది సిరీస్‌’ అంటూ తమ ఆనందాన్ని నెటిజన్లు సోషల్‌ మీడియా వేదికగా పంచుకుంటున్నారు.