రషీద్‌ హ్యాట్రిక్‌ సాధించినప్పటికీ..!

అడిలైడ్‌: బిగ్‌బాష్‌ లీగ్‌(బీబీఎల్‌)లో బుధవారం రెండు వినూత్న ఘటనలు జరిగాయి. అడిలైడ్‌ స్ట్రైకర్‌ స్పిన్నర్‌ రషీద్‌ ఖాన్‌, సిడ్నీ సిక్సర్స్‌ బౌలర్‌, బర్త్‌డే బాయ్‌ జోష్‌ హేజిల్‌వుడ్‌ల మధ్య ఆసక్తికర పోరు జరిగింది. అయితే ఈ పోరులో బర్త్‌డే బాయ్‌ హేజిల్‌ వుడ్‌ విజయం సాధించాడు. కాగా సిడ్నీ ఆల్‌రౌండర్‌ టామ్‌ కరన్‌కు మ్యాన్‌ ఆఫ్‌ ద మ్యాచ్‌ అవార్డు లభించింది. బీబీఎల్‌లో భాగంగా బుధవారం అడిలైడ్‌, సిడ్నీ జట్ల మధ్య పోరు రసవత్తరంగా సాగింది. తొలుత బ్యాటింగ్‌కు దిగిన అడిలైడ్‌కు టామ్‌ కరన్‌(4/22) చుక్కలు చూపించాడు. కరన్‌కు తోడు మిగతా సిడ్నీ బౌలర్లు సహకారం అందించడంతో అడిలైడ్‌ జట్టు 19.4 ఓవర్లలో 135 పరుగులకే కుప్పకూలింది. అనంతరం బ్యాటింగ్‌కు దిగిన సిడ్నీకి కూడా ఆశించిన ఆరంభం లభించలేదు.