విండీస్‌ నిలబడింది

తొలి టెస్టు మ్యాచ్‌లో వెస్టిండీస్‌ రెండు ఇన్నింగ్స్‌లు కలిపి ఆడింది 98.5 ఓవర్లే. ఈ లెక్కన హైదరాబాద్‌ టెస్టులో మళ్లీ మొదటి రోజే భారత్‌కు పట్టు చిక్కి మ్యాచ్‌ మూడో రోజే ముగించే అవకాశం ఉంటుందని అంతా భావించారు. కానీ వెస్టిండీస్‌ రాత మార్చుకుంది. రెండో టెస్టులో ఇప్పటికే 95 ఓవర్లు ఆడిన ఆ జట్టు 300 పరుగులకు చేరువైంది. మరో 3 వికెట్లు చేతిలో ఉన్నాయి. రోస్టన్‌ ఛేజ్‌ శతకానికి దగ్గరలో నిలవగా... కీలక అర్ధసెంచరీతో కెప్టెన్‌ హోల్డర్‌ తన విలువ చాటాడు. మొదటి రోజును విండీస్‌ సంతృప్తిగా ముగించగా... ప్రత్యర్థిని ఆలౌట్‌ చేయలేక టీమిండియా నిరాశకు గురైంది.