కారు-ఆటో ఢీ: పది మందికి తీవ్ర గాయాలు

తాడేపల్లి: గుంటూరు జిల్లాలో ఆదివారం మధ్యాహ్నం జరిగిన రోడ్డుప్రమాదంలో పది మంది తీవ్రంగా గాయపడ్డారు. చిలకలూరుపేట నుంచి గుణదల చర్చికి ఆటోలో వెళుతుండగా తాడేపల్లి మండలం కొలనుకొండ వద్ద వెనుక నుంచి వేగంగా వచ్చిన కారు ఢీకొట్టింది.

ఈ సంఘటనలో ఆటోలో ప్రయాణిస్తున్న 10 మంది తీవ్రంగా గాయపడ్డారు. వెంటనే స్థానికులు గాయపడిన వారిని సమీప ఆసుపత్రికి తరలించారు. క్షతగాత్రులలో ఆరుగురు మహిళలు, నలుగురు పురుషులు ఉన్నారు. ఓ మహిళ పరిస్థితి విషమంగా ఉన్నట్లు తెలుస్తుంది.
ఘటన స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.