TV
గ్యాస్‌ పైప్లైన్ పేలిన దుర్ఘటనలో మరో వ్యక్తి మృతి
కాకినాడ: తూర్పుగోదావరి జిల్లా మామిడికుదురు మండలం నగరం గ్రామంలో గ్యాస్‌ పైప్‌లైన్‌లో పేలిన దుర్ఘటనలో మరో వ్యక్తి మృతి చెందారు. దాంతో మృతులసంఖ్య 17కు చేరింది. ఈ గ్రామంలో శుక్రవారం తెల్లవారుజామున ఓఎన్జీస్‌ గ్యాస్‌ స్టేషన్‌ సమీపంలో గెయిల్‌ గ్యాస్‌ పైప్‌లైన్‌లో పేలుడు సంభవించి 16 మంది సజీవ దహనమయిన విషయం తెలిసిందే. ఈ ప్రమాదంలో మరో 30 మంది తీవ్రంగా గాయపడి వివిధ ఆస్పత్రులలో చికిత్స పొందుతున్నారు.
కాకినాడ అపోలో ఆస్పత్రిలో చికిత్స పొందుతున్న రాయుడు సూర్యనారాయణ ఈ రోజు మృతి చెందారు. పైప్లైన్ పేలిన ఘటనలో కోనసీమలోని పచ్చని నగరం గ్రామం కాలిబూడిదైపోయింది. కొబ్బరి చెట్లు నిట్టనిలువునా తగలబడిపోయాయి. ఇళ్లన్నీ కాలిపోయి గ్రామం శ్మశానవాటికను తలపిస్తోంది.ఇంకా 29 మంది ఆస్పత్రులలో చికిత్స పొందుతున్నారు. వారి బాధ వర్ణనాతీతం.
