రోడ్డు ప్రమాదంలో హెడ్‌కానిస్టేబుల్ మృతి

సైదాపురం: నెల్లూరు జిల్లాలో సోమవారం జరిగిన రోడ్డుప్రమాదంలో ఓ హెడ్ కానిస్టేబుల్ మృతిచెందాడు. కండలేరు పోలీస్‌స్టేషన్‌లో హెడ్ కానిస్టేబుల్‌గా పనిచేస్తున్న హజరతయ్య గూడురు నుంచి డ్యూటీ నిమిత్తం బైక్‌పై వెళుతుండగా టిప్పర్ ఢీకొంది.

దీంతో తీవ్రంగా గాయపడిన ఆయన అక్కడికక్కడే మృతి చెందాడు. తలుపూరు-మణిచేడు మార్గం మధ్యలో ఈ ప్రమాదం సంభవించింది. సంఘటన స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాన్ని పోలీసులు పోస్టుమార్టం నిమిత్తం ప్రభుత్వాసుపత్రికి తరలించనున్నారు.