TV
నిజంగా ‘గోల్డ్’ ఫిష్షే
బంగారు వర్ణంలో నిగనిగలాడుతున్న ఈ భారీ చేప నిజంగా ‘గోల్డ్’ ఫిష్షే. ఎందుకంటే దీని ఖరీదు అక్షరాలా లక్ష రూపాయలు మరి! 28 కిలోల బరువున్న ఈ చేపను కచిడీలంటారు. వీటిలో మగ కచిడీలు బంగారు వర్ణంతో ఉంటాయి. ఈ చిత్రంలో ఉన్నది మగ కచిడీయే. శనివారం తూర్పు గోదావరి జిల్లా సఖినేటిపల్లి మండలం పల్లిపాలెం వద్ద సముద్రంలో మత్స్యకారుల వలకు చిక్కుకుంది. ఔషధాలకు వాడే ఈ చేపను నర్సాపురానికి చెందిన ఒక వ్యాపారి వేలం పాటలో రూ.లక్షకు పాడుకున్నాడు. దీని పొట్ట భాగాన్ని బలానికి వాడే మందుల్లో ఉపయోగిస్తారన్నారు. ఈ చేప పొట్ట భాగం విలువే రూ.85 వేల వరకు ఉంటుందన్నారు.
- సఖినేటిపల్లి
