TV
కేబీఆర్ పార్క్‌లో కిరణ్ వాకింగ్..
సాక్షి, హైదరాబాద్: మాజీ సీఎం కిరణ్‌కుమార్‌రెడ్డి ఆదివారం బంజారాహిల్స్‌లోని కేబీఆర్ పార్క్‌లో గంట పాటు వాకింగ్ చేశారు. ఉదయం 6 గంటలకు ఇద్దరు అంగరక్షకులతో కలసి ఒకే వాహనంలో పార్క్‌కొచ్చారు. కిరణ్ పార్కుకు వస్తున్న విషయం తెలిసిన కొద్ది మంది స్నేహితులు ఆయనకు స్వాగతం పలికారు.
వాకింగ్ సందర్భంగా తాజా రాజకీయ పరిణామాలపై స్నేహితులతో ముచ్చటించారు. కొత్త పార్టీ పెడితే పరిస్థితి ఎలా ఉంటుందని కూడా కిరణ్ ఒకరిద్దరు స్నేహితులను అడిగినట్లు సమాచారం. చాలా నెలల తరువాత తాను జనజీవన స్రవంతిలో కలిసినట్లుగా ఉందని కిరణ్ ఈ సందర్భంగా వ్యాఖ్యానించారు.
