కార్పొరేషన్‌లో పాగా వేయాలి..

దుబ్బ, ఇందూరు,న్యూస్‌లైన్ : రానున్న మున్సిపల్ కార్పొరేషన్ ఎన్నికల్లో ఎక్కువ సంఖ్యలో కార్పొరేటర్ స్థానాలు గెలుచుకొని కార్పొరేషన్‌లో వైఎస్సార్ సీపీ పాగా వేయాలని ఆ పార్టీ జిల్లా అధికార ప్రతినిధి ఎండీ రఫిక్‌ఖాన్ పిలుపునిచ్చారు. బుధవారం పార్టీ జిల్లా కార్యాలయంలో విలేకరుల సమావేశంలో పార్టీ నగర అనుబంధ కమిటీలు, స్టీరింగ్ కమిటీలను ఆయన ప్రకటించారు. అనంతరం మాట్లాడుతూ... నూతనంగా ఏర్పాటు చేసిన కమిటీలు వారి విభాగాల ప్రజల సమస్యలు తెలుసుకొని పరిష్కారానికి కృషిచేయాలన్నారు. సమావేశంలో పార్టీ జిల్లా నాయకులు జిల్లా ప్రకాశ్, నవీన్, ప్రమోద్, కృష్ణ, నసియా, అరుణజ్యోతి, ఫరీదా పాల్గొన్నారు.