సిటీలో శ్రీవరి

సిటీలో శ్రీవరి

నెల్లూరులోని మాగుంట లేఅవుట్ ధనవంతుల నివాసాలకు కేరాఫ్ అడ్రస్. ఈ ప్రాంతం పేరు చెప్పగానే భారీ అపార్టుమెంట్లు, లేటెస్ట్ మోడళ్ల బిల్డింగ్‌లు గుర్తుకు వస్తాయి. ఇంతటి ఖరీదైన ప్రాంతంలోనూ ఇప్పటికీ వ్యవసాయం జరుగుతోంది. నగరానికి పచ్చతోరణంగా ఓ రైతు వరి సాగుచేస్తున్నాడు. ఇదే ప్రత్యేకతైతే ఇంతకంటే విశేషమేమిటంటే శ్రీవరిసాగు. అందులో భాగంగా వినూత్నరీతిలో క్రికెట్ పిచ్‌ల తరహాలో నారుమళ్లను సిద్ధం చేయడం అటుగా వెళుతున్న వారిని ఆకర్షిస్తోంది. కొందరైతే పొలం వద్ద ఆగి మరీ వివరాలు ఆరా తీసి వెళుతున్నారు.
 - సాక్షి, నెల్లూరు (ఫొటో : ముత్యాల వెంకటరమణ)