లైంగికంగా వేధిస్తున్న కరస్పాండెంట్‌పై చర్య తీసుకోవాలి

రాజమహేంద్రవరం క్రైం : విద్యార్థినులపై లైంగిక వేధింపులకు పాల్పడుతున్న కరస్పాండెంట్‌పై చర్యలు తీసుకోవాలని ఏపీ బీసీ విద్యార్థి సంఘం అధ్యక్షుడు మురుకుర్తి దుర్గాప్రసాద్ యాదవ్, విద్యార్థి సంఘాల నాయకులు డిమాండ్ చేశారు.
 
  ఈ మేరకు వారు మంగళవారం దక్షిణ మండల డీఎస్పీ కె.శ్రావణికి ఆమె కార్యాలయంలో వినతిపత్రం అందజేశారు. రాజమహేంద్రవరంలోని ఓ డిస్టెన్‌‌స ఎడ్యుకేషన్ ఇనిస్టిట్యూట్ కరస్పాండెంట్ విద్యార్థినులతో అసభ్యంగా ప్రవర్తిస్తూ, లైంగికంగా వేధిస్తున్నాడని, పలువురు తమకు ఫోన్‌ల ద్వారా తెలిపారని విద్యార్థి సంఘాల నాయకులు వివరించారు.
 
 దీనిపై ఆరా తీసేందుకు తాము ఎడ్యుకేషన్ ఇనిస్టిట్యూట్‌కు వెళ్లగా ఓ వ్యక్తి తమకు ఎదురై ‘ ఇలాంటివి ఇక్కడ చాలా జరుగుతాయి.. మీరేం చేయలేరు’ అని అన్నాడని తెలిపారు. కరస్పాండెంట్ వేధింపులకు సంబంధించిన ఓ వీడియో క్లిపింగ్‌ను అతడు తమకు ఇచ్చాడని నాయకులు తెలిపారు. భవిష్యత్‌లో ఇంలాంటి సంఘటనలు జరగకుండా కరస్పాండెంట్‌పై కఠిన చర్యలు తీసుకోవాలని కోరారు.