సాక్షి, గజపతినగరం : ప్రజలతో మమేకమై వారి సమస్యలు తెలుసుకుని.. వారిలో భరోసా నింపేందుకు వైఎస్సార్‌ కాంగ్రెస్‌ పార్టీ అధ్యక్షుడు, ప్రతిపక్ష నేత వైఎస్‌ జగన్‌మోహన్‌రెడ్డి చేపట్టిన ప్రజాసంకల్పయాత్ర 283వ రోజు షెడ్యూల్‌ ఖరారైంది. జననేత చేపట్టిన పాదయాత్ర విజయనగరం జిల్లాలో అనంతవాహినిలా సాగిపోతోంది. వైఎస్‌ జగన్‌ బుధవారం ఉదయం నైట్‌క్యాంపు నుంచి పాదయాత్ర ప్రారంభిస్తారు. గజపతినగరం నియోజకవర్గంలోని లింగాల వలస, లోగిస క్రాస్‌, కొత్త శ్రీరంగ రాజపురం, నారాయణ గజపతిరాజపురం, గజపతినగరం వరకు జననేత పాదయాత్ర కొనసాగనుంది. గజపతినగరంలో జరిగే బహిరంగ సభలో వైఎస్‌ జగన్‌ పాల్గొని ప్రసంగిస్తారు. ఈ మేరకు వైఎస్సార్‌సీసీ రాష్ట్ర ప్రధాన కార్యదర్శి తలశిల రఘురాం ఓ ప్రకటన విడుదల చేశారు.

ముగిసిన పాదయాత్ర: వైఎస్‌ జగన్‌ 282వ రోజు పాదయాత్ర మంగళవారం జిన్నం వద్ద ముగిసింది. నేడు జననేత పాదయాత్ర గజపతి నగరం నియోజకవర్గంలోని గుర్ల మండలం గరికవలస, కెంగువ, ముచ్చెర్ల, కొండపేట క్రాస్‌ మీదుగా జిన్నం వరకు కొనసాగింది.