TV
అదానీ ఆస్ట్రేలియా మైనింగ్ ప్రాజెక్ట్ పై మరో వివాదం
మెల్‌బోర్న్: అదానీ గ్రూప్ ఆస్ట్రేలియాలో చేపట్టిన మైనింగ్ ప్రాజెక్ట్‌పై తాజాగా మరో న్యాయ వివాదం చోటు చేసుకుంది. అదానీ సంస్థ క్వీన్స్‌లాండ్‌లోని గలిలీ బేసిన్‌లో 1,200 కోట్ల డాలర్ల మైనింగ్ ప్రాజెక్ట్‌ను నిర్వహించాలని యోచిస్తోంది. ఈ మైనింగ్ ప్రాజెక్ట్‌కు ఇచ్చిన లీజ్‌లను సవాల్ చేస్తూ, ఈ గలిలీ బేసిన్ పాత యాజమాన్య సంస్థలకు ప్రాతినిధ్యం వహిస్తున్నామంటూ వాన్‌గన్ అండ్ జగలిన్‌గావూ(డబ్ల్యూ అండ్ జే) సంస్థ ఆస్ట్రేలియా ఫెడరల్ కోర్టులో తాజాగా కేసు దాఖలు చేసింది. తమ ఆమోదం లేకుండానే ఈ మైనింగ్ లీజ్‌లు అదానీ సంస్థకు ఇచ్చారని డబ్ల్యూ అండ్ జే సంస్థ పేర్కొంది. అయితే గలిలీ బేసిన్ గత యజమానులకు డబ్ల్యూ అండ్ జే గ్రూప్ పూర్తిగా ప్రాతినిధ్యం వహించడం లేదని, ఈ కేసు దాఖలు చేయడం పూర్తిగా రాజకీయ ప్రేరేపిత చర్య అని అదానీ గ్రూప్ పేర్కొంది.
