బ్రిటన్ ఎన్నికలు : నష్టాల్లో మన మార్కెట్లు

బ్రిటన్ ఎన్నికల ఎగ్జిట్ ఫలితాలు థెరిసా మేకు ప్రతికూలంగా రావడంతో దేశీయ ఈక్విటీ మార్కెట్లు భారీగా నష్టపోతున్నాయి. సెన్సెక్స్ 104.24 పాయింట్ల నష్టంతో 31,109 వద్ద, నిఫ్టీ 31.20 పాయింట్ల నష్టంలో 9,650 కిందకి పడిపోయి 9616 వద్ద ట్రేడవుతోంది. గురువారంతో ముగిసిన బ్రిటన్ ఎన్నికల ఎగ్జిట్ ఫలితాల్లో  ఆ దేశ ప్రధానమంత్రి థెరిసా మే కన్జర్వేటివ్ పార్టీకి మెజార్టి రాదని తెలిసింది. దీంతో గ్లోబల్ మార్కెట్లు అస్థిరంగా ట్రేడవుతున్నాయి. అంతేకాక నేడు జరుగుతున్న కౌంటింగ్ లో కన్జర్వేటివ్ పార్టీ, లేబర్ పార్టీ హోరాహోరీగా పోటీపడుతున్నాయని తెలిసింది. కరెన్సీ మార్కెట్లు మాత్రం థెరిసా మే కన్జర్వేటివ్ పార్టీకి క్లియర్ మెజార్టీ వస్తుందని అంచనావేశాయి.