నగరంలో వ్యభిచార ముఠా గుట్టురట్టు

ఫైల్‌ ఫొటో

సాక్షి, హైదరాబాద్‌ : నగరంలోని ఉప్పల్ పరిధిలో వ్యభిచారం నిర్వహిస్తున్న ఓ ముఠా గుట్టు రట్టయింది. గత కొన్ని రోజులుగా నగరంలోని పలు ప్రాంతాల్లో వ్యభిచారం నిర్వహిస్తున్నారన్న సమాచారంతో పోలీసులు దాడులు చేస్తున్న విషయం తెలిసిందే. ఈ క్రమంలో శుక్రవారం ఉప్పల్ పరిధిలోని హనుమసాయినగర్ కాలనీలో ఓ ఇంట్లో గుట్టు చప్పుడు కాకుండా వ్యభిచార గృహం నిర్వహిస్తున్నారన్న సమాచారంతో పోలీసులు ఆకస్మికంగా దాడి చేశారు.

ఇద్దరు నిర్వాహకులతో పాటు ఇద్దరు మహిళలు, ఇద్దరు విటులను ఎస్‌ఓటీ పోలీసులు అదుపులోకి తీసుకున్నట్లు తెలుస్తోంది. నిందితుల వద్ద నుంచి రూ.9 వేల నగదు, 8 సెల్ ఫోన్లు, 2 ద్విచక్రవాహనాలు స్వాధీనం చేసుకున్నారు. ఈ మేరకు కేసు నమోదు చేసిన పోలీసులు పూర్తి స్థాయిలో దర్యాప్తు చేపట్టారు.