ఆటో బోల్తా.. 10 మందికి గాయాలు

సాక్షి, జోగులాంబ : గద్వాల జిల్లా అలంపూర్ మండలం, సింగవరం గ్రామం సమీపంలో ఆటో బోల్తా పడింది. ఈప్రమాదంలో పది మంది విద్యార్థులు గాయాలయ్యాయి. సింగవరం గ్రామం నుంచి 20 మంది విద్యార్థులతో ఓ ఆటో మండల కేంద్రం అలంపూర్ బయలుదేరింది. మార్గ మధ్యలో ఓ పాము ఎక్కడ నుంచి వచ్చిందో తెలీదు కానీ ఆటో డ్రైవర్‌ కాలికి చుట్టుకుంది.

దీంతో డ్రైవర్‌ భయానికి గురయ్యాడు, ఆటో అదుపు తప్పి బోల్తా కొట్టింది. ఈ ప్రమాదంలో పది మంది విద్యార్థులకు గాయాలయ్యాయి. వెంటనే బాధితులను చికిత్స కోసం కర్నూలు ఆస్పత్రికి తరలించారు. ప్రస్తుతం విద్యార్ధుల గురించి ఆందోళన అవసరం లేదని, స్వల్పగాయలు తగిలాయని ఆస్పత్రి వర్గాలు వెల్లడించాయి.