అథ్లెటిక్స్‌లో సత్తాచాటిన అనంత క్రీడాకారులు

అథ్లెటిక్స్‌లో సత్తాచాటిన అనంత క్రీడాకారులు

అనంతపురం సప్తగిరి సర్కిల్‌ : అథ్లెటిక్స్‌ పోటీల్లో అనంత క్రీడాకారులు తమ సత్తా చాటి పతకాలు సాధించారు. ఈ నెల 4, 5 తేదీల్లో కృష్ణా జిల్లా ఏలూరులో జరిగిన క్రీడా పోటీల్లో యూత్‌ అండర్‌–18, సీనియర్‌ విభాగాల్లో 4 స్వర్ణం, 3 రజత పతకాలు సాధించి విజేతలుగా నిలిచారు. విజేతలను శుక్రవారం కోచ్‌ మంజుల, జట్టు మేనేజర్‌ సంజీవరాయుడు, మనోహర్‌రెడ్డి అభినందించారు.

పతకాలు సాధించిన వారు వీరే :
అండర్‌–18 షాట్‌పుట్‌, డిస్కస్‌త్రోలో డీ.ఉరుకుంద ప్రథమస్థానం, ట్రిపుల్‌ జంప్‌, లాంగ్‌ జంప్‌లో ఎన్‌ రాజేష్‌ ప్రథమస్థానంలో నిలిచి పతకాలు సాధించారు. అలాగే సీనియర్‌ విభాగం 20కి.మీ నడకలో కే.శ్రీనివాసులు ప్రథమస్థానం, 1500 మీ. పరుగు పందెంలో డి.కిరణ్‌ ద్వితీయస్థానం, 3 కి.మీ పరుగు పందెంలో బీకే స్వాతి ద్వితీయస్థానంలో నిలిచి పతకాలు సాధించారన్నారు.