రెండు లారీలు ఢీ.. డ్రైవర్‌కు తీవ్రగాయాలు

గుంటూరు: గుంటూరు జిల్లా తాడేపల్లి మండలం కుంచనపల్లి సమీపంలో శుక్రవారం రెండు లారీలు ఢీకొన్నాయి.  ఈ ఘటనలో లారీ డ్రైవర్ తీవ్రంగా గాయపడ్డాడు. స్థానికులు వెంటనే స్పందించి... క్షతగాత్రుడిని విజయవాడలోని ప్రైవేట్ ఆసుపత్రికి తరలించారు. అతడి పరిస్థితి విషమంగా ఉన్నట్లు సమాచారం. ఈ ప్రమాదంపై సమాచారం అందుకున్న పోలీసులు సంఘటన స్థలానికి చేరుకుని కేసు నమోదు చేసి దర్యాప్తు చేస్తున్నారు.

పోలీసుల కథనం ప్రకారం.... కృష్ణా పుష్కరాల సమీపిస్తున్న నేపథ్యంలో రహదారి పనులు ఊపందుకున్నాయి. ఆ క్రమంలో రహదారి నిర్మాణం కోసం కాంక్రీట్ మిక్చర్ లోడ్తో అధిక వేగంతో వెళ్తున్న లారీ... ఎదురుగా వస్తున్న మరో లారీని ఢీకొట్టింది. దీంతో కాంక్రీట్ లారీ డ్రైవర్ తీవ్రంగా గాయపడ్డాడు. క్షతగాత్రుడు గుంటూరుకు చెందిన భాస్కరరావు అని పోలీసులు తెలిపారు.