TV
రోడ్డు ప్రమాదాల్లో పలువురికి గాయాలు
కేతేపల్లి:
వేర్వేరు రోడ్డు ప్రమాదాల్లో పలవురికి గాయాలయ్యాయి. జిల్లాలోని కేతేపల్లి, భువనగిరి మండలాల పరిధిలో చోటు చేసుకున్న ఈ ఘటనల వివరాలు.. సూర్యాపేట పట్టణానికి చెందిన ఐదుగురు వ్యక్తులు బుధవారం కారులో నకిరేకల్‌కు బయలుదేరారు. కారు ఉప్పలపహాడ్‌ శివారులో గల మూసీ వంతెనపైకి చేరుకోగానే వెనకాలే వస్తున్న లారీ వేగంగా వచ్చి ఢీకొట్టింది. ఈప్రమాదంలో కారులో ప్రయాణిస్తున్న ఉపేందర్, గణేష్, వెంకన్న, రమేష్, సుమన్‌లకు తీవ్ర గాయాలయ్యాయి. సమాచారం అందుకున్న కేతేపల్లి పోలీసులు సంఘటన స్థలం వద్దకు చేరుకున్నారు. క్షతగాత్రులను చికిత్స నిమిత్తం హైవే1033 అంబులెన్స్‌లో సూర్యాపేట ఏరియా అసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నామని కేతేపల్లి ఎస్‌ఐ మద్దెల క్రిష్ణయ్య తెలిపారు.
కారు, బైక్‌ ఢీ.. ముగ్గురికి..
భువనగిరి అర్బన్‌
హైదరాబాద్‌లోని బండ్ల గూడకు చెందిన నాగరాజు అతడి కుటుంబ సభ్యులు దివ్య, స్వామితో కలిసి మండలంలోని రామకృష్ణపురం వైపునకు వెల్తున్నాడు. ఈ క్రమంలో పట్టణంలోని బైపాస్‌ను దాటుతుండా వరంగల్‌ నుంచి హైదరాబాద్‌ వైపునకు వెళ్తున్న కారు వీరి బైకును ఢీకొట్టింది. దీంతో బైకుపై ఉన్న వారికి తీవ్ర గాయాలయ్యాయి. వెంటనే చికిత్స నిమిత్తం 108 వాహనంలో భువనగిరి ఏరియా ఆస్పత్రికి తరలించారు.
