ఆర్టీసీ బస్సు ఢీకొని ఒకరి మృత్యువాత

సంబేపల్లి: ఆర్టీసీ అద్దె బస్సు ఢీకొన్న ఘటనలో బైక్‌పై వెళ్తున్న గుర్తు తెలియని వ్యక్తి మృతి చెందాడు. వైఎస్సార్ జిల్లా సంబేపల్లి మండలకేంద్రం సమీపంలో కర్నూలు- చిత్తూరు రహదారిపై శుక్రవారం రాత్రి 7 గంటల సమయంలో ఈ ఘటన చోటుచేసుకుంది. తిరుపతి వైపు బైక్‌పై వెళ్తున్న వ్యక్తిని తిరుపతి నుంచి రాయచోటి వైపు వెళ్తున్న ఆర్టీసీ అద్దె బస్సు ఢీకొంది. ఈ ఘటనలో బైక్‌పై ఉన్న వ్యక్తి తల తెగిపోయింది. దీంతో మృతున్ని గుర్తించటం కష్టంగా మారింది. పోలీసులు సంఘటన స్థలానికి చేరుకొని విచారణ జరుపుతున్నారు.