TV
లక్కవరం(మలికిపురం) :
ప్రముఖ సినీ గాయని ఎస్‌.జానకి లక్కవరం వేణుగోపాల థియేటర్‌లో మెగాస్టార్‌ చిరంజీవి నటించిన ‘ఖైదీ నంబర్‌ 150’ చిత్రాన్ని చూశారు. పండుగ సందర్భంగా తన మిత్రులైన గ్రామంలోని కేర్‌ ఆసుపత్రి వైద్యులను కలిసేందుకు వచ్చిన ఆమె శనివారం వారితో కలిసి సినిమాకు వచ్చారు. ఈ సందర్భంగా ఆమె విలేకరులతో మాట్లాడుతూ చిరంజీవి అంటే తనకు ప్రత్యేకమైన అభిమానమని, ఈ సినిమా చాలా బాగుందని చెప్పారు. ఎనిమిదేళ్ల తరువాత ఈ వయస్సులో చిరంజీవి ఇంత స్పీడ్‌గా డాన్సులు చేయడం చాలా గొప్ప అన్నారు. ఆమె వెంట జెడ్పీటీసీ సభ్యురాలు మంగెన భూదేవి, సర్పంచ్‌ అలివేలు మంగతాయారు, మంగెన నాని ఉన్నారు.
