TV
భక్తులందరికీ సంతృప్తికర దర్శనాలు
- 26 నుంచి 30 వరకు ఉగాది ఉత్సవాలు
- 29 వరకు భక్తులందరికీ మల్లన్న స్పర్శదర్శనం
-· కైలాసద్వారం, హఠకేశ్వరం వద్ద వైద్యశిబిరాలు
- పారిశుద్ధ్యాని అత్యధిక ప్రాధాన్యత
-· కర్ణాటక సంప్రదాయ పద్దతిలో భక్తులకు అన్న సంతర్పణ
శ్రీశైలం: జ్యోతిర్లింగ శైవక్షేత్రం, అష్టాదశ శక్తి పీఠంగా కలిసివెలిసిన శ్రీశైల మహాక్షేత్రంలో ఈ నెల 26 నుంచి 30 వరకు నిర్వహిస్తున్న ఉగాది ఉత్సవాల్లో భక్తులందరికీ సంతృప్తికరంగా స్వామి దర్శనం కల్పిస్తామని ఈఓ నారాయణభరత్‌ గుప్త అన్నారు. ఉత్సవాల ఏర్పాట్ల నేపథ్యంలో గురువారం పరిపాలనా భవనంలో ఆయన వివిధ శాఖల అధికారులతో సమావేశమయ్యారు. ఈ సందర్భంగా ఈఓ మాట్లాడుతూ ఉగాది మహోత్సవాల నేపథ్యంలో క్షేత్రానికి వచ్చే మహారాష్ట్ర, కర్ణాటక తదితర రాష్ట్రాల నుంచి లక్షల సంఖ్యలో భక్తులకు అన్ని సౌకర్యాలను ఏర్పాటు చేయాలని సూచించారు. కాగా 29 వరకు భక్తులందరికీ స్పర్శదర్శనం కల్పిస్తున్నట్లు ఈఓ తెలిపారు.
- ఉచిత దర్శన, శీఘ్ర దర్శన క్యూ(రూ.200లు), అతిశీఘ్ర దర్శనం (రూ.500లు)క్యూల ద్వారా భక్తులను స్వామివార్ల దర్శనానికి అనుమతిస్తామన్నారు.
- భక్తుల సౌకర్యార్థం స్వామివారి ఆర్జిత అభిషేకాలను శ్రీవృద్ధమల్లికార్జునస్వామివారి వద్ద, ఆర్జిత కుంకుమార్చనలను అమ్మవారి ఆలయప్రాకారం మండపంలో నిర్వహించుకునేందుకు అన్ని ఏర్పాట్లు చేస్తున్నట్లు పేర్కొన్నారు.
- క్యూలలోని భక్తులకు మంచినీరు, మజ్జిగ, అల్పాహారం, బిస్కెట్లు అందజేస్తామన్నారు.
- గంగా గౌరి సందన్, యాత్రిక నివాస్, దేవస్థానం వైద్యశాల వద్ద భక్తులకు ఉచితంగా శుద్ధజలం పంపిణీ కేంద్రాలు ఉండగా, అదనంగా మరో నాలుగు చోట్ల కేంద్రాలను ఏర్పాటు చేస్తున్నట్లు తెలిపారు.
- కాలినడకన వచ్చే భక్తుల కోసం కైలాసద్వారం, హఠకేశ్వరం, వద్ద వైద్య శిబిరాలు ఏర్పాటు చేస్తామన్నారు.
- భక్తులరద్ధీకనుగుణంగా పారిశుద్ధ్యానికి అత్యంత ప్రాధాన్యత ఇవ్వాలని అధికారులకు సూచించారు.
- ఉగాది ఉత్సవాలలో శివదీక్షా శిబిరాల వద్ద ప్రప్రథమంగా కర్ణాటక సంప్రదాయ వంటలతో భక్తులు అన్న ప్రసాద వితరణ ఏర్పాటు చేస్తామన్నారు.
- ఉత్సవాలలో ఐదు రోజల పాటు భక్తులను అలరించడానికి సాంస్కృతిక కార్యక్రమాలను ఏర్పాటు చేస్తున్నట్లు తెలిపారు.
