TV
మోడీని చూస్తే కసాయి కూడా తలదించుకుంటాడు
పాట్నా: నరేంద్రమోడీని తృణమూల్ కాంగ్రెస్ నేతలు కసాయితో పోలిస్తే.. ఆర్‌జేడీ అధినేత లాలూప్రసాద్ యాదవ్ మరో అడుగు ముందుకేశారు. మోడీని చూస్తే కసాయి కూడా సిగ్గుతో తలదించుకుంటాడని వ్యాఖ్యానించారు. ఈ మేరకు లాలూ మంగళవారం సోషల్ నెట్‌వర్కింగ్ సైట్ ట్విట్టర్‌లో ఒక సందేశాన్ని పోస్ట్ చేశారు. హజీపూర్‌లో ప్రచారం సందర్భంగా లాలూ ప్రసంగిస్తూ.. 2002 నాటి గోధ్రా మత ఘర్షణలకు మోడీయే కారణమని ఆరోపించారు. మోడీ కసాయిలకే కసాయి అని, ఇందులో ఏమైనా సందేహం ఉందా అని ఆయన ప్రశ్నించారు.
