TV
బొల్లపల్లి : మద్యం మత్తులో జరిగిన గొడవ ఓ వ్యక్తి హత్యకు దారి తీసింది. గుంటూరు జిల్లా బొల్లపల్లి మండలం వెల్లటూరులో కోటేశ్వరరావు (28), ఏసుబాబు అనే ఇద్దరు వ్యక్తుల మధ్య గురువారం రాత్రి ఘర్షణ జరిగింది. ఆ సమయంలో వారిద్దరూ మద్యం మత్తులో ఉన్నారు. దీంతో ఏసుబాబు తండ్రి పెద్ద సుబ్బారావు రంగప్రవేశం చేశాడు.
అనంతరం ఇద్దరూ కలసి బీర్ బాటిల్‌తో కోటేశ్వరరావు పై దాడి చేశాడు. ఈ ఘటనలో కోటేశ్వరరావుకు తీవ్ర గాయాలు కాగా నర్సారావుపేటలోని ఓ ప్రైవేటు ఆస్పత్రికి తరలించారు. చికిత్స పొందుతూ అతను మృతి చెందాడు. ఏసుబాబు, అతని తండ్రి పరారీలో ఉన్నాడు.
