TV
పెబ్బేరు: మహబూబ్ నగర్ జిల్లా పెబ్బేరు మండలంలో శుక్రవారం ఘోర రోడ్డు ప్రమాదం చోటు చేసుకుంది. హైదరాబాద్ నుంచి కర్నూలు వెళ్తున్న ఇన్నోవా వాహనం బోల్తాపడిన ఘటనలో నలుగురు దుర్మరణం చెందారు. హైదరాబాద్ నగరానికి చెందిన కొందరు ఇన్నోవా వాహనంలో కర్నూలు వైపు వెళ్తున్నారు. వారి వాహనం పెబ్బేరు మండలం రంగాపురం సమీపంలోని పెట్రోలు బంక్ వద్ద అదుపు తప్పి పల్టీలు కొట్టింది.
ఈఘటనలో వాహనంలోని ఇద్దరు మహిళలు, ఓ వ్యక్తి, బాలుడు అక్కడికక్కడే మృతిచెందారు. మరో ఇద్దరు తీవ్రంగా గాయపడ్డారు. వారిని కర్నూలు ఆస్పత్రికి తరలించారు. పోలీసులు సంఘటన స్థలానికి చేరుకుని విచారణ ప్రారంభించారు. మరిన్ని వివరాలు తెలియాల్సి ఉంది.
