పాన్‌ కార్డుల మార్ఫింగ్‌ : ఇద్దరు అరెస్ట్‌

ఎల్బీనగర్‌: గుర్తు తెలియని వ్యక్తుల పాన్‌ కార్డులను సేకరించి వాటిపై ఉన్న ఫొటోలను మార్ఫింగ్‌ చేసి మోసాలకు పాల్పడుతున్న ఇద్దరు వ్యక్తులను పోలీసులు అదుపులోకి తీసుకున్నారు. ఇలా ఫొటోల మార్ఫింగ్‌తో పలు ఫైనాన్స్‌ సంస్థల నుంచి గృహోపకరణాలు, ఏసీ, వాషింగ్‌ మిషన్‌లను వాయిదాల పద్ధతిలో కొనుగోలు చేసి వినయ్‌, సోమయ్య అనే వ్యక్తులు మోసాలకు పాల్పడుతున్నారు. వీరిని ఎల్‌బీనగర్‌ ఎస్‌ఓటీ పోలీపసులు అదుపులోకి తీసుకున్నారు. వసంత్‌ అనే మరో నిందితుడు పరారీలో ఉన్నాడు. నిందితుల నుంచి ఏసీ, వాషింగ్‌ మిషన్‌లను స్వాధీనం చేసుకుని ఎల్‌బీనగర్‌ పోలీసులకు అప్పగించారు.