అమెరికాలో భారత టెకీ మృతి

చికాగో: అమెరికాలో హైదరాబాద్‌కు చెందిన సాఫ్ట్‌వేర్‌ ఉద్యోగి గురువారం అనుమానస్పద మృతి చెందారు. రామాంతపూర్‌ ప్రగతినగర్‌కు చెందిన కృష్ణప్రసాద్‌ ఈ నెల 21న చికాగోలో నిద్రలోనే అనుమానాస్పద స్థితిలో మృతి చెందారు. కుటుంబంతోపాటు అమెరికాలో ఉంటున్న కృష్ణప్రసాద్‌ ఈ మద్యే నగరానికి వచ్చారు. వారం కిందట తిరిగి ఒక్కరే అమెరికా వెళ్లాడు. మరో రెండు రోజుల్లో కుటుంబ సభ్యులు అమెరికా వెళ్లాల్సి ఉండగా.. ఇంతలోనే ఈ విషాద సంఘటన చోటుచేసుకుంది. అమెరికా పోలీసులు అనుమానాస్పద మృతిగా కేసు నమోదుచేసుకుని దర్యాప్తు చేపట్టారు. కృష్ణప్రసాద్ మృతదేహం సోమవారం రామంతాపూర్‌కు చేరుకోనున్నది.