దాండియా.. దునియాలో డ్యాన్సుల హోరు !

బెంగళూరు: దసరా సందర్భంగా ఏర్పాటు చేసిన దాండియా.. దునియా కార్యక్రమంలో గుజరాతీలు చేత రెండు చిన్న కర్రలు పట్టి ప్రత్యేక దుస్తులతో ఆడి.. పాడి అందర్నీ అలరించారు. చిన్న పిల్లల దగ్గర నుంచి అన్నీ వయస్సుల వారు   డ్యాన్సులతో హోరెత్తించారు. ఈ కార్యక్రమం శనివారం రాత్రి సుమారు రెండు గంటలపాటు సాగింది. వైట్‌ఫీల్డ్‌ పరిధిలోని ఫోరమ్‌ నైబర్‌హుడ్‌ మాల్‌లో ఈ దాండియా.. దునియా పేరుతో ఏర్పాటు చేశారు.

 ఈ దాండియా డ్యాన్సులకు ప్రత్యేక పాటలను రూపొందించింది. గాయనీగాయకులు, సంగీత వాయిద్యాల మధ్య ఈ డ్యాన్సుల జోరు కనువిందు చేసింది. మాల్‌కు వచ్చిన వారు నృత్యాలను చూస్తూ.. వారుకూడా మైమరిచి.. స్టెప్పులు వేయడం కనిపించింది. గుజరాతీ సంప్రాదాయ నృత్యాలైన  ఈ దాండియా ఫీవర్‌ బాగా పెరుగుతోందనడానికి ఈ కార్యక్రమానికి లభించిన విశేష స్పందన చెబుతోంది.