ఎప్పటికి నీ చేతిని వదలను...

కూతురు చిన్నారి శ్వేతతో అమితాబ్‌ బచ్చన్‌

తండ్రి...అంటే బాధ్యత, భరోసా. మనకు ఏ క​ష్టం వచ్చిన నాన్న ఉన్నాడనే నమ్మకం. తండ్రి ఏ స్థాయిలో ఉన్న తన పిల్లలకు మాత్రం నాన్నే. కడవరకూ మన చేతిని వదలనని ప్రమాణం చేస్తాడు. ఈ విషయాన్ని బాలీవుడ్‌ సూపర్‌ స్టార్‌ బీగ్‌ బీ చాలా క్యూట్‌గా చెప్పారు. తాజగా బిగ్‌ బీ తన ఇన్‌ స్టా గ్రామ్‌లో పోస్టు చేసిన ఒక ఫోటోకి తెగ లైక్‌లు, మంచి కామెంట్‌లు వస్తున్నాయి. బిగ్‌ బీ పోస్టు చేసిన ఆ ఫోటోలో ఓ వైపు తన కూతురు చిన్నారి శ్వేతను ఎత్తుకుని, ఆమె చేతిని పట్టుకుని ఉండగా మరో వైపూ ఉన్న ఫోటోలో తండ్రి కూతుళ్లు చేతిలో చేయి వేసుకుని కారిడార్‌లో నడుస్తున్న ఫోటో. ఈ ఫోటోతో పాటు దీనికి బిగ్‌ బీ ఇచ్చిన క్యాప్షన్‌ మరింత ఎక్కువ మంది హృదయాలను కొల్లగొట్టింది. ‘నేను తన చేతిని పట్టుకున్నాను...ఇప్పటికి ఆ చేతిని వదలలేదు...ఇంకేప్పటికి వదలను...నా తొలి సంతోషం శ్వేత’ అని పోస్టు చేశారు. పోస్టు చేసిన కొన్ని గంటల్లోనే ఈ ఫోటోను 3 లక్షల మంది లైక్‌ చేశారు.

I held her hand then .. I hold it now .. and shall ever do so .. Shweta my first born ..❤️🌷😍

A post shared by Amitabh Bachchan (@amitabhbachchan) on May 18, 2018 at 8:57pm PDT