కాజల్ కూడా చెప్పేస్తోంది

కాజల్ కూడా చెప్పేస్తోంది

సౌత్ ఇండస్ట్రీలో హీరోయిన్లుగా వెలిగిపోతున్న ఉత్తరాది భామలు ఇప్పుడు సొంత గొంతు వినిపించేందుకు రెడీ అవుతున్నారు. ఇప్పటికే చాలా మంది తారలు డబ్బింగ్ చెప్పుకోవటం ప్రారంభించగా తాజాగా కాజల్ అగర్వాల్ కూడా ఆ లిస్ట్లో చేరడానికి రెడీ అవుతోంది. రకుల్ ప్రీత్ సింగ్, అంజలి లాంటి హీరోయిన్లు కూడా సొంత గొంతుతో అలరిస్తుంటే తాను వెనకపడి పోతాననుకుందేమో.. ఓ తమిళ సినిమాకు డబ్బింగ్ చెప్పేందుకు రెడీ అయ్యింది.

సర్దార్ గబ్బర్సింగ్, బ్రహ్మోత్సవం సినిమాల రిజల్ట్తో కష్టాల్లో పడ్డ కాజల్ ప్రస్తుతం విక్రమ్ సరసన నటిస్తున్న గరుడ సినిమా మీదే ఆశలు పెట్టుకుంది. ఈ సినిమా సక్సెస్ కోసం అన్ని రకాలుగా కష్టపడుతున్న ఈ బ్యూటీ తొలిసారిగా డబ్బింగ్ చెప్పకునేందుకు రెడీ అయ్యింది. తనకు పెద్దగా పట్టులేని తమిళ రంగంలోనే డబ్బింగ్ చెపుతుందంటే.. నెక్ట్స్ తను చేయబోయే తెలుగు సినిమాకు కూడా కాజల్ సొంతం గొంతు అందించే చాన్స్ ఉందంటున్నారు సినీ జనాలు.