TV
న్యాయమూర్తిగా...
మంచు లక్ష్మీప్రసన్న టైటిల్ రోల్‌లో కార్తికేయ గోపాలకృష్ణ దర్శకత్వంలో వేళ్ల మౌనిక చంద్రశేఖర్, ఉమా లక్ష్మీనరసింహ నిర్మించిన చిత్రం ‘లక్ష్మీ బాంబ్’. ఈ నెల 23న రిలీజ్ చేయాలనుకుంటున్నారు. ‘‘ఇందులో శక్తిమంతమైన జడ్జ్ పాత్రలో కనిపిస్తా. ఛాలెంజింగ్‌గా తీసుకుని నటించా’’ అని మంచు లక్ష్మి అన్నారు. ‘‘ఈ సినిమాలో శివకాశి లక్ష్మీబాంబ్ వంటి పవర్‌ఫుల్ మంచు లక్ష్మి కనిపిస్తారు. ఇప్పటికే ప్రచార చిత్రాలకు, సునీల్ కశ్యప్ పాటలకు మంచి స్పందన లభిస్తోంది’’ అని దర్శక-నిర్మాతలు తెలిపారు. ఈ చిత్రానికి ఎగ్జిక్యూటివ్ నిర్మాత: కె. మురళి, సమర్పణ: గూనపాటి సురేశ్‌రెడ్డి.
