ఇది ఇంటింటి కథ

ఇది ఇంటింటి కథ

 ప్రస్తుత సమాజంలో మహిళలు ఎదుర్కొంటున్న గృహహింస నేపథ్యంలో తెరకెక్కిన చిత్రం ‘హ్యాపీ లైఫ్’. పోసాని కృష్ణమురళి, ‘చంటిగాడు’ ఫేమ్ సుహాసిని జంటగా శ్రీ గౌరీదేవి సినీచిత్ర పతాకంపై రామకృష్ణ వీర్నాల దర్శకత్వంలో ఎన్. దేవీ చరణ్ ఈ సినిమా నిర్మించారు. ‘‘మెసేజ్ ఓరియం టెడ్ ఫ్యామిలీ ఎంటర్ టైనర్‌గా రూపొందిన చిత్రమిది. ఈ చిత్రానికి మొదట ‘నా పెళ్ళాం... నా ఇష్టం’ అనే పేరు పెట్టాం. అభ్యంతరాలు రావడంతో ‘హ్యాపీలైఫ్’అనే టైటిల్ నిర్ణయించాం. త్వరలోనే సినిమా రిలీజ్ చేస్తాం’’ అని దర్శకుడు తెలిపారు. ఈ చిత్రానికి కెమేరా: వెంకీ, సంగీతం: రమేశ్.