మెహందీ.. సంగీత్‌... సందడి

మెహందీ.. సంగీత్‌... సందడి

పెళ్లికి ముందు రోజు మెహందీ (గోరింటాకు పెట్టుకోవడం) అండ్‌ సంగీత్‌... పెళ్లి తర్వాత రోజు కాక్‌టైల్‌ పార్టీ అండ్‌ రిసెప్షన్‌... కుటుంబ సభ్యులు, సన్నిహితుల నడుమ పర్‌ఫెక్ట్‌ ప్లాన్‌తో ప్రియమణి వివాహ వేడుకలు జరగనున్నాయట. ఈ నెల 23న ప్రియుడు ముస్తాఫాతో కలసి ప్రియమణి ఏడడుగులు వేయనున్నారు.

అతికొద్ది మందికి మాత్రమే ఈ పెళ్లి ఆహ్వానాలు వెళ్లాయట. ఆహ్వానాలు అందుకున్నవారు చెబుతున్నదాని ప్రకారం... థీమ్‌ మెహందీ (అందరూ ఓ థీమ్‌ ప్రకారం గోరింటాకు పెట్టుకోవడం), సంగీత్‌ వేడుకను 22న నిర్వహించడానికి సన్నాహాలు చేశారు. పెళ్లి తర్వాత రోజు 24న సినీ ప్రముఖులతో సహా పలువురికి కాక్‌టైల్‌ పార్టీ ఇస్తున్నారు. అదే రోజు రిసెప్షన్‌ కూడా!!