TV
రణవీర్ పిలిచే ముద్దు పేరు 'స్వీటా'
అసలు పేరు కాదని బాలీవుడ్ భామ పరిణీతి చోప్రాను ‘ముద్దు’గా పిలుచుకొంటున్నాడు హీరో రణవీర్‌సింగ్. వీరి తాజా సినిమా ‘కిల్ దిల్’. ఈ చిత్రం షూటింగ్ సమయంలో పరిణీతిని ‘స్వీటా’ అంటూ పిలిచేవాడట. వీరిద్దరూ కలసి పనిచేయడం ఇది రెండోసారి. రణవీర్ అలా కొత్తగా పిలుస్తోంటే... అంతే ఇదిగా ముచ్చటపడిపోతోందట ఈ సుందరి. షూటింగ్ స్పాట్‌ను ఓ పిక్నిక్ స్పాట్‌లా జోకులు, కేకులతో కావల్సినంత ఉల్లాసంగా గడిపేశారట వీరిద్దరూ. కానీ పరిణీతికి ఇంత ‘స్వీట్’ పేరు పెట్టినట్టు చాలామందికి తెలీదట!
