సరిలేరు మీకెవ్వరు

మహేశ్‌బాబు

‘నిప్పుల వర్షమొచ్చినా జనగణమణ అంటూ దూకేవాడే సైనికుడు. మంచు తుఫాను వచ్చినా వెనకడుగు లేదంటూ దాటేవాడే సైనికుడు...’ అంటూ దేశ సరిహద్దుల్లో పోరాటం చేస్తున్న సైనికులను ‘సరిలేరు మీకెవ్వరు’ అంటోంది ‘సరిలేరు నీకెవ్వరు’ చిత్రబృందం. అనిల్‌ రావిపూడి తెరకెక్కిస్తున్న ఈ చిత్రంలో మహేశ్‌బాబు సైనికుడి పాత్ర చేస్తున్నారు.

స్వాతంత్య్ర దినోత్సవం సందర్భంగా ఈ సినిమాలో ‘నిప్పుల వర్షమొచ్చినా....’ అంటూ సాగే టైటిల్‌ సాంగ్‌ను రిలీజ్‌ చేశారు. ‘దిల్‌’ రాజు, అనిల్‌ సుంకర, మహేశ్‌బాబు నిర్మిస్తున్న ఈ సినిమాలో రష్మికా మందన్నా కథానాయిక. విజయశాంతి, సంగీత ముఖ్య పాత్రలు చేస్తున్నారు. వచ్చే ఏడాది సంక్రాంతికి సినిమా రిలీజ్‌ కానుంది.